اميره ورد... حزينه

يوم عيد ميلادي
بستني اليوم ده كل سنه ...
بستني اعرف مين فاكرني ... مين مدوني في تقويمه كتاريخ لابد من تذكره !!
مين هيرفع علياا سماعه التليفون .. او حتي يبعتلي مسج .. عشان يزفلي اطيب دعوه "كل سنه وانتي بخير"

بغض النظر عن اى اعتبارات سواء كان يوم ميلادي يستاهل ولا ما يستاهليش بس بفرح جدا

النهارده ما سكه الموبايل من الصبح ... كل مايرن ارفع وانا راسمه بسمه علي وجهي .. مستنيه ما يدل علي صاحب المكالمه فاكرني ....
وتمر الدقيقه اللاولي
الثانيه
الثالثه
وتنتهي المكالمه دون ان يكون بها لو تلميح علي اني في دفتر الذكريات يااااااااااااه علي المصالح
فين صحابتي اللي بهنيهم قبل ميلادهم باسبوع
واحرص كل يوم لحد يوم ميلادهم اني ابعتلهم مسج رقيق
فين المفاجاءات والهدايا اللي عملتها لناس كثير واللي كلها بتصب
في معني واحد " انتم في قلبي رغم كل المشاغل:

فين اخواتي العشره ... الي كلمت نصهم النهارده بدون ما حد يفتكر
فين .. وفين .. وفين

مازال الموبايل في يدى..
ومازال الامل في قلبي..
ومازال باستطاعتي ان تمالك دموعي..
ان ابدو منتظره ... مبتسمه ... متامله ...
رغم كل المراره اللي جوايا ...
هبتسم .. وماتزعليش يا نفسي"

" كل سنه وانا بخير.. وانا بخير.. وانا للخير"

شكرا ليكى ايمى على الموضوع الجميل دة
واتمنى لكى المزيد

مشكوره اختي هايل والله